Desinstituzionalizazioa: pertsonarengan oinarritutako zaintza eredu berri bat

Zahartu ahala, gure laguntza eta zaintza beharrak handitu egiten dira. Kasu askotan, behar horiek ezin dira etxean bertan bete, eta, beraz, adinekoentzako egoitza zentroak aukera ohikoenetako bat dira.

Hala ere, egoitza-arretaren eredu tradizionala arau zorrotzek, ordutegi itxiek eta errutina estandarizatuek markatzen dute. Ikuspegi horrek autonomia pertsonala eta erabakitzeko gaitasuna mugatzen ditu, eta adinekoen bizi kalitateari eta ongizate emozionalari zuzenean eragiten die.

Zer da desinstituzionalizazioa?

Desinstituzionalizazioa zainketa-eredua eraldatzeko prozesu bat da, ingurune pertsonalizatuagoen, irekiagoen eta etxekoen unitate baten antzekoagoen aldeko apustua egiten duena. Bere helburua pertsonen duintasuna, autodeterminazioa eta ongizatea bermatzea da, pertsonarengan eta bere lehentasunetan oinarritutako arreta sustatuz. Eredu honek egitura instituzional zurrunak atzean utzi nahi ditu, bizikidetzarako espazio gizatiarragoetarantz aurrera egiteko, non pertsonak askatasun handiagoz bizi ahal izango diren, beren ohiturak, harremanak eta bizi proiektua mantenduz.

Formakuntzaren helburua

Kurtso honetan, desinstituzionalizazioaren printzipioetara hurbilduko zara, zergatik den beharrezkoa ulertuko duzu eta zaintza eredu gizatiarragoak, duinagoak eta errespetuzkoagoak lortzeko eraldaketa nola bultzatu ikasiko duzu. Matia Eskolan badakigu aldaketa hau posible dela elkarrekin eraikitzen badugu. Zure zeregina funtsezkoa da eredu berri hau aurrera eramateko.